सम्बाददाता
त्रिवि क्रिकेट मैदान, कीर्तिपुरमा यूएईविरुद्धको दोस्रो टी–२० अन्तर्राष्ट्रिय खेलमा नेपालले टस जितेको छ।
कप्तान दीपेन्द्र सिंह ऐरीले फिल्डिङ रोज्दै पाहुना टोली यूएईलाई पहिले ब्याटिङ गर्न पठाएका छन्।
यस खेलमा नेपाली टोलीले युवा स्पिन अलराउन्डर सन्तोष यादवलाई पहिलो पटक ‘प्लेइङ ११’ मा समेट्दै डेब्यु गराएको छ।
नेपालले कुशल भुर्तेल, लोकेश बम, कुशल मल्ल र आरिफ शेखलाई ब्याटिङको जिम्मेवारी दिएको छ।
बलिङतर्फ सन्दीप लामिछाने, शाहब आलम र डेब्युटान्ट सन्तोष यादवको स्पिन जोडी मैदानमा हुनेछ।
तीव्र गतिका बलरका रूपमा हेमन्त धामी, नन्दन यादव र गुल्सन झा टोलीमा समावेश छन्।
आजको खेलमा नेपाल यूएईलाई सस्तैमा समेट्ने रणनीतिसहित मैदानमा उत्रिएको छ।
आजको खेलमा दीपेन्द्र सिंह ऐरीको कप्तानीमा कुशल भुर्तेल, लोकेश बम, कुशल मल्ल, गुल्सन झा, सन्तोष यादव, आरिफ शेख, शाहब आलम, नन्दन यादव, सन्दीप लामिछाने र हेमन्त धामीले नेपालका लागि प्रतिस्पर्धा गर्दैछन्।
