सम्बाददाता
आईसीसी विश्वकप लिग २ को रोमाञ्चक भिडन्तमा युएईले ओमानमाथि भारी दबाब सिर्जना गरेको छ।
४७ ओभरमा छोट्याइएको खेलमा युएईले ओमानको बलिङ आक्रमणलाई छिन्नभिन्न पार्दै ३०८ रनको विशाल स्कोर खडा गरेको हो।
युएईको यो विशाल स्कोरमा चार ब्याट्सम्यानको अर्धशतकले मुख्य भूमिका खेल्यो।
हरप्रित सिंह (७७), मुहम्मद शाहदाद (७४), अजीव उस्मानी (७०) र आर्यान्श शर्मा (५०) ले ओमानका बलरहरूलाई मैदानको चारैतिर प्रहार गरेर थकित तुल्याए।
ओमानका बलरहरूले अन्य ब्याट्सम्यानलाई सस्तैमा समेटे पनि यी चार मुख्य ब्याटरलाई रोक्न नसक्दा ठूलो मूल्य चुकाउनु परेको छ।
बलिङतर्फ ओमानका मुहम्मद इमरानले ३ विकेट र नदीम खानले २ विकेट लिए पनि युएईको रन मेसिनलाई उनीहरूले लगाम लगाउन सकेनन्।
३०९ रनको यो लक्ष्य ओमानका लागि फलामको चिउरा चपाउनु सरह हुने निश्चित छ।
टियु मैदानको ब्याटिङमैत्री पिचमा ओमानले जवाफी हमला कसरी गर्छ, क्रिकेट प्रेमीहरूको नजर अब ओमानको ओपनिङ जोडीमा अडिएको छ।
